Туриндаги марказий ўйин билан Италия чемпионатининг 2-тур ўйинлари ниҳоясига етди. "Ювентус" қийин кечган учрашувда ғалаба қозонди ва "Милан"ни таъқиб этишда давом этмоқда. 

Ҳисобни стандарт вазиятдан Мартин Касарес очди. Пирлонинг бурчакдан узатиб берган тўпини бошиб билан дарвозага йўллаган ҳимоячи муҳим ўйинларда гол уриш қобилиятини яна бир бор исботлади. Кейин эса...

Бутун стадион ларзага келди. Ўша, Туриннинг кўп йиллик афсонаси, Алекс Дель Пьеро яна гол урди. Видалнинг ошириб берган кесик пасини бир тепишда Сезар дарвозасининг бурчагига жойлаб қўйди. Ушбу гол Дель Пьеронинг "А" Сериядаги биринчи голидир. У бунгача фақат кубок ўйинларида гол киритиб келаётганди. 

Ушбу мағлубиятдан сўнг "Интер" турнир жадвалининг ўзига ярашмаган - саккизинчи поғонасига тушиб кетди.    

ЮВЕНТУС – ИНТЕР– 2:0 (0:0)

Голлар: М. Касерес (57), Дель Пьеро (71).

ЮВЕНТУС: Буффон, Кьеллини, Бардзальи, М. Касерес, де Челье, Пирло, Маркизио, Видаль, Пепе (Бонуччи, 53), Матри (Дель Пьеро, 53), Вучинич (Куальярелла, 74).

ИНТЕР: Жулио Сезар, Нагатомо, Самуэль, Лусио, Майкон, Оби (Фараони, 68), Поли (Паццини, 67), Х. Дзанетти, Станкович, Форлан, Милито.

Огоҳлантиришлар: Нагатомо (34), Поли (45), де Челье (75).