“Манчестер Юнайтед” яримҳимоячиси Поль Погбанинг келажаги ноаниқлигича қолмоқда.
“Sky Sports” нашри хабарига кўра, франциялик футболчи ҳали “Юнайтед” билан янги шартнома имзолаш ёки имзолаш борасида бир қарорга келмаган. Яримҳимоячининг амалдаги шартномаси ёзда якунига етади.
“Манчестер Юнайтед” ўтган ёзда футболчига янги шартнома таклиф қилганди. Погба буни на қабул қилди, на рад этди. Футболчига клубдан янги таклифлар келиб тушмади.
Погба энди бор эътиборини жароҳатидан фориғ бўлиб, “Манчестер Юнайтед”га қайтишга қаратган. У ноябрь ойида Франция терма жамоаси сафида жароҳат олган ва “Юнайтед” сафидаги 11 та ўйинни ўтказиб юборган.
Поль январь ойида бошқа клуб билан дастлабки шартнома имзолаш ҳуқуқига эга, аммо катта эҳтимол билан футболчи бундан фойдаланмайди ва келажаги борасида қарор қабул қилиш учун ёзгача кутади.
