Ральф Рангник “Манчестер Юнайтед” бош мураббийи лавозимига жамоада вужудга келган тартибсизликларга барҳам бериш учун таклиф қилинди. Бироқ германиялик мутахассис қисқа вақт ичида мавжуд муаммони ҳал эта олмади ва унга юкланган яна бир вазифа издан чиқиш хавфи остида.
Гап шундаки, манкунианликлар раҳбарияти навбатдаги трансфер ойнасида биринчи ўринда ҳужумчи Эрлинг Холанд билан музокараларда Рангникнинг ёрдамига умид қилганди. Дастлабки маълумотларга кўра, немиснинг алоқалари форвард ва унинг агенти қарорига таъсир қилиши керак эди.
Аммо, “The Mirror” нашрининг хабар беришича, Холанд Испания чемпионатига ўтиш ниятида. Айни пайтда у Манчестерга ўтиш вариантини кўриб ҳам чиқмаяпти.
