«Норвич» собиқ бош мураббийи Даниэль Фарке «Краснодар»ни бошқариш арафасида.

Германиялик журналист Марлон Ирлбахернинг хабар беришича, у билан шартнома икки йилга мўлжалланади.

Фарке ўтган йилнинг ноябрь ойи бошида «Норвич»дан ишдан бўшатилган эди. У клубда тўрт йилдан ортиқ вақт мобайнида ишлади ва жамоани икки марта Премьер-лигага олиб чиқди.

Маълумот учун, «Краснодар» бош мураббийлик лавозими 5 январь куни содир бўлган Виктор Гончаренконинг истеъфосидан сўнг бўшаб қолган. РПЛнинг 18-туридан сўнг клуб 29 очко билан турнир жадвалида 5-ўринда бормоқда.