“Севилья” Антони Марсьялни “Манчестер Юнайтед”дан ижарага олмоқчи эди, бироқ якунда томонлар келиша олишмади. “Marca” нашри хабарига кўра, МЮнинг ижара тўловидан ташқари футболчининг маошининг ярмини ҳам тўлаш талаби маъқул келмаган. Бу саккиз миллион еврони ташкил қилади. “Севилья” раҳбарияти бундай талабларни ҳаддан ташқари кўп деб топди.
Бироқ, бу Хулен Лопетегига Ла Лигада “Реал” билан чемпионлик пойгасини сақлаб қолиш учун энди бошқа вариантлар зарурлигини инкор этмайди. Бу шуни англатадики, тез орада биз андалусияликларнинг бошқа режалари ҳақида билиб оламиз.
