Римнинг “Рома” клуби матбуот хизмати хабарига кўра, “бўрилари” сафини Гонсало Вильяр ва Борха Майорал тарк этишди. Ҳар икки футболчи ҳам Испаниянинг “Хетафе” клубига йўл олишган бўлиб, жорий мавсум охиригача ижарага берилган.
23 ёшли ярим ҳимоячи Гонсало Вильяр 2020 йилнинг январида “Рома”га ўтган эди. У римликлар сафида барча мусобақаларда жами 64 ўйин ўтказган.
24 ёшли ҳужумчи Борха Майорал 2020 йилнинг ёзида римликлар сафига ўтган бўлиб, “Рома” сафида барча мусобақаларда 56 та ўйинда 18 та гол урган.
