«Манчестер Юнайтед»нинг 40 ёшли собиқ ҳимоячиси Патрис Эвра ирқий камситишлар ҳақида фикр билдирди.
«Италияга илк бор келганимда, бир киши боласи билан суратга тушиш учун олдимга келди. Суратдан кейин бола менга қарата салбий гаплар айтди.
17 ёшимда стадионда одамлар менга банан улоқтиришганди. Мен ҳар сафар тўпни қабул қилганимда, улар маймун дея бақирарди. Мен эса жабрланувчи деб аталишдан нафратланаман.
Лекин бу менга куч берди ва мен футболдан бор аламимни олишга ва кўпроқ ютуққа эришишга ҳаракат қиламан. Бу ижтимоий ҳодиса», - дейди Эвра.
