"Барселона" клуби вингер Усмон Дембеле билан шартномани узайтириш учун босим ўтказмоқда, дея хабар беради "Foot Mercato".

Манба берган хабарга кўра, Каталония клуби декабрь ойи охирида эълон қилинган шартнома таклифига французнинг жавобини кутишдан чарчаган.

Унга йилига 20-25 миллион евро маош таклиф қилишяпти, бироқ яқинда раҳбариятга футболчининг агенти Мусса Сиссоко Усмон йилига камида 40 миллион евро олмоқчи эканлигини айтди. Бу "Барселона" учун имконсиз миқдор.

Ўша учрашувдан сўнг "Барса" бош мураббийи Хави Дембеле билан гаплашди. Қайд этилишича, 41 ёшли мутахассис доимий равишда футболчига овозини баланд кўтарган ҳолда гапирган. Хави Усмонга таклиф қилинган шартлар бўйича шартномани узайтиришга рози бўлмаса, "Барса"да бошқа ўйнамаслигини айтди.

Шунингдек, Дембеле "Барса"га ён бермоқчи эмаслиги хабар қилинган. У ўз шартларига кўра "Барса" билан шартномасини узайтиради ёки ёзда текинга кетади.

24 ёшли ўнг қанот ҳужумчиси жорий мавсумда "Барселона" сафида барча турнирларда 11 та ўйинда майдонга тушиб, 1 та гол урди ва 2 та голли узатмани амалга оширди.