"Ювентус" ҳужумчиси Пауло Дибала Турин клуби билан янги шартнома имзолаш билан боғлиқ вазият ҳақида гапирди.
"Мен ҳеч кимга ҳеч нарсани исботлашим шарт эмас", - дея футболчининг сўзларидан иқтибос келтирган "Football Italia".
“Мен клуб ва мураббий ихтиёридаман. "Ювентус" февраль ойида янги шартномани муҳокама қилишимизни айтди".
Ҳужумчи Италия чемпионатининг 22-туридан ўрин олган “Удинезе”га қарши ўйинда (2:0) урган голини нишонламади. 28 ёшли аргентиналик футболчи голни нишонлаш ўрнига, "Ювентус" раҳбарияти ўтирган трибунага норози нигоҳ ташлади. У ҳали ҳам Турин клуби билан 2022 йилнинг 30 июнида тугайдиган янги шартнома борасида келиша олмаяпти.
