Франциянинг “Салернитана” клуби яримҳимоячиси Франк Рибери фаолиятини Туркия чемпионатида давом эттириши мумкин. Бу ҳақда “Foot Mercato” нашри хабар бермоқда.
Манбага кўра, 38 ёшли франциялик футболчига Туркиянинг “Касимпашша” ва “Фотиҳ Карагюмрюк” жамоалари даъвогарлик қилмоқда.
Эслатиб ўтамиз, Рибери 2021 йилнинг сентябрида “Салернитана” футболчисига айланганди. Франциялик футболчининг клуб билан шартномаси бир йилга тузилган. Рибери жорий мавсум А серияда 12 та ўйинда майдонга тушди ва 2 та голли узатмани амалга оширди.
“Салернитана” 18 ўйинда 8 очко тўплади ва А серия турнир жадвалида сўнгги, 20-ўринда бормоқда.