Трансфер ҳуқуқлари “Челси”га тегишли бўлган ва ҳозирда “Лион” ижара асосида ўйнаётган ҳимоячиси Эмерсон Лондон клубига қайтишга рози бўлди, деб хабар беради “RMC Sport” нашри.

Эмерсон тиззасидан олган жароҳати сабаб мавсумнинг қолган қисмида майдонга туша олмайдиган Бенжамин Чилуэллнинг ўрнини эгаллайди. Аввалроқ, “Лион” футболчининг “аристократлар”га муддатидан олдин қайтиши учун 4 миллион евро олишдан бош тортгани хабар қилинганди.

27 ёшли Эмерсон жорий мавсумда Лига—1 мусобақасининг 16 ўйинида гол урди ва 1 голли узатмани амалга оширди. Ҳимоячининг “Челси” билан шартномаси 2024 йилда якунига етади.