“Барселона” фахрий футболчиси Бразилия терма жамоасида яна ўйнаши ҳақида гапирди. Алвес халқаро фаолиятини якунламади. Ҳимоячи Қатардаги ЖЧга боришни истамоқда.
“Менда бир қанча муддатли мақсад бор эди. Биринчи вазифа “Барселона”га қайтиш бўлса, иккинчиси Бразилия терма жамоаси сафида жаҳон чемпионатига бориш. Охиргисини истагимнинг амалга ошиши қийин, лекин энди у ерда бўлиш учун кўпроқ ишлаш керак. Ҳаммаси “Барселона”даги ўйинимга боғлиқ”, - дея Алвеснинг сўзларидан иқтибос келтирмоқда клуб матбуот хизмати.
Алвес ўтган йили Олимпиадада иштирок этган. Бразилиялик футболчи мусобақада олтин медални қўлга киритган эди.
