"Милан" бош мураббийи Массимилиано Аллегри Европа чемпионлар лигасининг 1/4 финали дастлабки учрашувида "Барселона"га қарши 0:0 ҳисобда тугаган ўйиндан сўнг ўз шогирдларининг ҳаракатидан қониқиш ҳосил қилганини айтиб ўтди.

— Барселонда ўтадиган жавоб учрашувида уч натижадан иккитасини қўлга киритишимиз, бу эса бизнинг имкониятларимизни ошириб юбориши мумкин, — дея итальян мутахассисининг сўзларини келтиради Corriere dello Sport. — Албатта, "Барселона" жаҳоннинг энг яхши жамоаси эканлигини барча тушуниб турибди, бироқ "Сан-Сиро"да биз ёмон ўйин кўрсатмадик, ҳаттоки дастлабки 20 дақиқада каталонияликларни анча "обориб-обкелдик". Кейин бизда сустлашиш кузатилди, бироқ ҳимояда ўта интизомли ўйнадик, бу эса кишини хурсанд қилмасдан қолмайди.

Эслатамиз, жавоб учрашуви 3 апрель куни Барселонадаги "Камп Ноу" стадионида бўлиб ўтади.