Эронлик ҳужумчи Сердар Азмуннинг «Зенит»ни тарк этиш эҳтимоли кундан-кунга ортиб бормоқда.
Ҳужумчининг РПЛ клуби билан шартномаси 2022 йилнинг ёзида тугайди ва томонлар айни дам шартномани узайтириш борасида келишувга эриша олишмаяпти.
Аммо Сердар қишда Россияни тарк этиши мумкин. Нуфузли трансфер экспертларидан бири Фабрицио Романонинг сўзларига кўра, футболчи аллақачон «Лион» билан шахсий шартнома шартларини келишиб олган ва 2026 йилнинг ёзига қадар битим тузишни режа қилган.
«Лион» қишда «Зенит» билан футболчи учун 3 миллион евролик трансфер бўйича музокара олиб боришга ҳаракат қилади.
