"Барселона" ва "Реал Мадрид" "Реал Сарагоса"дан 15 ёшли испан вундеркинди Алехандро Монсерратни сотиб олмоқчи бўлган клублар қаторида.
Испаниянинг Defenca Central нашри хабарига кўра, "Барселона" ва "Реал Мадрид" клублари Алехандро Монсерратни қўлга киритиш борасида кураш олиб боришмоқда. Яно номи билан машҳур бўлган 15 ёшли "Реал Сарагоса" ўйинчиси, шунингдек, Европанинг бошқа бир қанча йирик клублари, жумладан "Рома"нинг ҳам нишонига айланган.
Алехандро Монсеррат ҳозирда Испаниядаги энг истиқболли ёш ўйинчилардан бири сифатида кўрилмоқда, у ёш тоифаси жуда яхши ўйин намойиш қилмоқда. 15 ёшга тўлганига қарамай, испаниялик футболчи аллақачон "Реал Сарагоса"нинг "Ювениль" жамоасида ўйнамоқда. Шундай экан, Европанинг баъзи энг йирик клублари унга кўз тикишса ажабмас.
Яно номи билан ҳам танилган 15 ёшли йигитча плеймейкер бўлиб, у майдонни яхши кўриш қобилиятига эга.
