"Реал Мадрид" футболчиси Лукас Васкес "Рома"га ўтиши мумкин эди, дея хабар беради "Defensacentral".
Манбага кўра, римликлар бош мураббийи Жозе Моуриньо испанияликни шу ойнинг ўзидаёқ жамоа сафига қўшиб олмоқчи, аммо "Реал" бош мураббийи Карло Анчелотти футболчининг кетишига кескин қаршилик кўрсатмоқда.
Қайд этилишича, Лукас мураббий назарида жамоанинг муҳим футболчиси ва уни қўйиб юбориш хато бўлади.
Маълумотларга кўра, Васкеснинг ўзи ҳам Моуриньонинг қизиқишидан мамнун бўлган, бироқ у фақат Мадридда ўйнашни хоҳлайди.
Испаниялик футболчи жорий мавсумда Ла Лиганинг 16 та ўйинида майдонга тушиб, 1 та гол урган.
