«Тоттенхэм» ҳужумчиси Харри Кейн жамоасининг АПЛ доирасида «Лестер» устидан қозонган ақл бовар қилмас ғалабаси ҳақида фикр билдирди.
Хабарингиз бор, «Тоттенхэм» 1:2 ҳисобида ютказиб турган пайтида иккита гол уришга муваффақ бўлган эди. Унда Стивен Бергвейн дубл қайд этди.
«Бу ақлга сиғмас туйғулар. Якунда иккита гол уриш катта қаҳрамонлик. Бундай учрашувлар бир умр эсда қолади. Улар сенинг кейинги фаолиятингга йўл очади.
Умуман олганда, биз уч очкога ҳақли эдик. Биз рақибдан яхшироқ ўйнадик. Ҳисоб уларнинг фойдасига 2:1 бўлиб турганида ҳам таслим бўлмадик. Стивен ўз вақтида майдонга тушди ва катта ўзгаришларни амалга оширди», - дейди Кейн.
