Англиянинг “Челси” клубининг франциялик ҳимоячиси Маланг Сарр икки клуб қизиқишлари доирасига тушиб қолган. Қайд этилишича, Италиянинг “Рома” ва Англиянинг “Лестер” клублари қишки трансфер ойнасида футболчи ижарага олишни режалаштирган. Бироқ, Лондон клуби томонидан тезда рад жавоби берилган. Бу ҳақда “Le10Sport” нашри хабар бермоқда.
Манбага кўра, 22 ёшли Сарр “кўклар” бош мураббийи Томас Тухелнинг режаларига киритилган, шу боис клуб футболчини қўйиб юбормаган.
Сарр 2020 йилнинг ёзида “Челси”га текинга ўтган эди. Жорий мавсумда барча мусобақалар доирасидаги тўққизта учрашувда майдонга тушган. Саррнинг шартномаси 2025 йилда якунига етади.
