Англиянинг "Ливерпуль" клуби ҳимоячиси Трент Александер-Арнольд Англия Лига Кубоги доирасида "Арсенал" (2:0) устидан қўлга киритилган ғалаба ҳақидаги фикрлари билан ўртоқлашди.

- Финалга йўл олганимиз ажойиб иш бўлди ва финал баҳсини интизорлик билан кутяпмиз. Ушбу турнирда жуда яхши ўйин намойиш этдик, таркибимизда кўплаб ёш футболчилар ўйнади, лекин шундай бўлсада, биз ғалаба қозондик. Бугун ажойиб ўйин намойиш этдик ва ҳақли равишда ғалаба қозондик. "Арсенал" гол киритиши учун имконият бермадик ва яхши ҳимояландик. Жота биринчи голни ажойиб тарзда киритди. Иккинчи гол ҳам худди биринчисидек бўлди. Вазиятлар яратишни хоҳлайман ва жамоага ёрдам беришни истайман, бугун иккита голга ассистентлик қилдим, — Александер-Арнольднинг сўзларидан иқтибос келтирмоқда Sky Sports.