"Аталанта" ярим ҳимоячиси Алексей Миранчук "Женоа"га ижара асосида ўтишга ҳали розилик бермади, деб хабар беради "Sky Sports Italia".
Манбага кўра, клублар трансфер бўйича тўлиқ келишиб олган. Айни дамда Миранчукнинг “Женоа”га ўтишига тўсқинлик қилаётган ягона нарса 26 ёшли россияликнинг якуний розилиги йўқлигидир.
Эҳтимол, Алексей янада жозибадор таклифларни кутмоқда ёки ҳали ҳам "Аталанта"да ўз ўрнини топишга умид қилмоқда.
Олдинроқ “Женоа” Миранчукнинг ижараси учун 2,5 миллион евро тўлаши хабар қилинганди.
Шунингдек, генуяликлар Алексейни 8 миллион евро эвазига тўлиқ сотиб олиш имкониятига эга бўлади.
