«Барселона» ёзги трансфер ойнасида ҳужумчи Хулиан Альваресни ўз сафига қўшиб олиш истагидан чекинмаяпти. The Touchline журналист Санти Оваллега таяниб хабар беришича, Каталония клуби Альварес трансфери бўйича таклифини 130 миллион еврогача оширишга тайёр.
Бироқ, «Атлетико»даги манбалар клубнинг Альварес масаласида «Барселона» билан музокаралар олиб боришни истамаётганини айтмоқда.
Олдинроқ «Барселона» Хулиан Альварес учун 100 миллион евро таклиф қилгани ҳақида хабар берилган эди. 26 ёшли аргентиналик футболчи Каталония клубига ўтишни хоҳламоқда, аммо «Атлетико» қатъий позицияда турибди: Мадридликлар форвардни «Камп Ноу»га қўйиб юбормоқчи эмас.
