"Милан"нинг ивуарлик ярим ҳимоячиси Франк Кессье клубини ўзгартириши мумкин, деб хабар беради "Sky Sports"
Манбага кўра, футболчига Лондоннинг "Тоттенхэм" клуби ва шахсан уларнинг бош мураббийи Антонио Конте қизиқиш билдирмоқда.
Қайд этилишича, музокаралар январь ойида бошланиши мумкин, чунки ярим ҳимоячининг "Милан" билан шартномаси шу мавсум охиригача амал қилади. Кейинги ёзда у "шпорлар" сафига текинга ўтиши мумкин.
Жорий мавсумда Кессье “Милан” сафида А Серияда 16 та ўйинда майдонга тушиб, 5 та гол урди.
