Польша футбол иттифоқи Андрей Шевченконинг бош мураббийликка номзодини жиддий кўриб чиқмоқда, деб хабар беради "Sportowe Fakty".

Манбага кўра, футбол иттифоқи раҳбари Сезар Кулеша уни шу лавозимда кўрмоқчи. Яна бир номзод - Адам Навалка, лекин Кулеша уни устувор мақсад деб ҳисобламайди.

Аввалроқ, Шевченко бу лавозимда йилига уч миллион евро ишлаб олмоқчи экани хабар қилинганди. Польшаликлар унга унчалик кўп нарсани таклиф қилишга тайёр эмаслар, лекин унга тахминан 2,5 миллион таклиф қилишлари мумкин.

Шунингдек, Польша терма жамоасининг собиқ дарвозабони Ержи Дудек Шевченкога ёрдамчи бўлиши мумкинлиги ҳам айтилган.