"Барселона" "Алавес" билан Ла Лиганинг 22-тур учрашувида майдонга тушиши мумкин бўлган футболчилар рўйхатини эълон қилди.
Қанот ярим ҳимоячиси Усмон Дембеле яна рўйхатда йўқ, у кетма-кет иккинчи ўйинни ўтказиб юборади. "Барса" француз футболчиси шартномани узайтиришга рози бўлмаса, уни четлатиши хабар қилинганди.
Мураббий Хави учрашувга 21 нафар футболчини чақирди. Ҳужумчи Люк де Ёнг дисквалификация қилинганидан сўнг жамоага қайтди. Фати, Депай, Серхи Роберто, Умтити ва Эрик Гарсия жароҳати, Гави дисквалификасия туфайли ўйинни ўтказиб юборади.
"Барселона" таркиби: Тер Штеген, Дест, Пике, Араухо, Бускетс, Пуч, Дани Алвес, Брейтвейт, Нето, Нико Гонсалес, Лангле, Педри, Люк де Йонг, Алба, Торрес, Френки де Йонг, Мингеса, Жужла, Балде, Абде ва Арнау Тенас.
