Эркин агент ҳисобланган даниялик яримҳимоячи Кристиан Эриксен «Брентфорд»га ўтишга яқин турибди, деб хабар беради The Athletic.
Манбага кўра, «асаларилар» яримҳимоячи билан шартнома шартларини келишиб олишган. Шартнома жорий мавсум охиригача, шунингдек яна бир йилга узайтириш имконияти билан ҳисоблаб чиқилади. Трансфер жараёнидан олдин футболчи чуқурлаштирилган тиббий кўрикдан ўтиши керак. Англия футбол ассоциацияси ва Англия Премьер-лигаси раҳбарияти ҳам харид борасида рухсат бериши керак бўлади. Шундан кейингина Эриксен «Брентфорд»га ўтиши мумкин бўлади.
