"Барселона" вингери Усмон Дембеле Каталония клуби базасига машғулот ўтказиш учун келди, деб хабар беради "El Chiringuito" телеканали.
23 январь куни 24 ёшли футболчи ошқозонидаги муаммолар туфайли машғулотларни ўтказиб юборгани маълум бўлганди. Бироқ ОАВ раҳбарият Дембеленинг соғлиғида муаммо борлигига ишонмаётгани, шу боис клуб уни жазолашини ёзишган.
Ҳужумчи Каталония клубининг Испания чемпионати 22-туридан ўрин олган "Алавес" билан ўйин учун қайдномасига киритилмаган.
Олдинроқ "Барселона" спорт директори Матеу Алемани Дембеле янги шартнома имзолашдан бош тортгани учун январь ойи охиригача жамоани тарк этиши кераклигини айтганди.
