Британия матбуотининг ёзишича, Англия Федерацияси «Манчестер Юнайтед» футболчиси Энтони Элангининг ҳолатини диққат билан кузатиб бормоқда. Сабаби, футболчи Англия терма жамоасида ўйнаш ҳуқуқига эга. Бироқ, унинг Швеция ва Камерун жамоаларида ўйнаш имкониятлари ҳам бор.

Эланга Швециянинг турли хил ёш тоифадаги жамоаларида ўйнаган. Чунки, Эланга шу мамлакатда туғилган. Маълумотларга кўра,ўйинчи ҳеч нарсани ўзгартирмоқчи эмас ва фаолиятининг қолган қисмини ҳам Швеция сафида ўтказмоқчи. Қолаверса, шведлар жаҳон чемпионатининг плей-офф босқичида 19 ёшли футболчининг ёрдамига умид қилишмоқда.

Маълумот ўрнида, бу мавсумдан Эланга Премьер-лигада ўйнай бошлади ва ҳатто чемпионатдаги биринчи голини ҳам киритди.