Бразилия терма жамоаси координатори Жуниньо Паулиста нима учун "Реал Мадрид" футболчилари Испания кубоги чорак финалида ўйнаш учун терма жамоадан эртароқ қайтишларига рухсат этилмаслигини тушунтирди.
“Футболчилар ФИФА томонидан белгиланган муддат тугагунча, яъни 2 февралгача биз билан бирга бўлишлари шарт. Биринчи ўйинда қандай ўйнашимизга қараб, улар иккинчи ўйинда ўйнаш-ўйнашмаслигини муҳокама қилишимиз мумкин, аммо биз уларнинг эрта қайтишига йўл қўя олмаймиз. Биз футболчиларимиз билан ўтказишимиз мумкин бўлган бир неча кундан унумли фойдаланишимиз керак", - деди Паулиста.
Шу тариқа, Эдер Милитао, Каземиро, Винисиус ва Родриголар катта эҳтимол билан Испания кубоги чорак финалидан ўрин олган “Атлетик” билан бўладиган баҳсда ўйнамайди. Ўйин 3 февраль куни бўлиб ўтади.
