Россия 1-дивизиони иккинчи босқич «А» гуруҳи 5-тур (чемпионатнинг 43-тури) учрашувлари бўлиб ўтди. Унда Ўзбекистон миллий терма жамоасига номзод футболчилар тўп сурувчи клублар имкониятни бой беришди.

Премьер-лига йўлланмасига асосий даъвогарлардан бири бўлган Владикавказнинг «Алания» жамоаси тур доирасида ўз майдонида рақобатчиларидан бири – «Мордовия»ни қабул қилиб, 2:4 ҳисобида имкониятни бой берди. Меҳмон жамоаси сафида мусобақа тўпурари Руслан Мухаметшин учта гол уришга муваффақ бўлган. Мезбонлар таркибида Ўзбекистон миллий терма жамоаси яримҳимоячиси Санжар Турсунов биринчи бўлимда тўлиқ ҳаракат қилган бўлса, Марат Бикмаев ўйин қайдномасига киритилмаган.

Премьер-лига йўлланмаси учун курашувчилар гуруҳидан деярли 15 очкога қолиб кетган «Сибирь» ўз майдонида «Урал»ни қабул қилиб, 0:1 ҳисобида имкониятни бой берди. ЖЧ-2014 саралаш сўнгги босқич 1-тур учрашувидан дисквалификация қилинган Вагиз Галиулин ушбу ўйинда 72-дақиқа давомида ҳаракат қилган.

43та ўйин натижасига кўра, мусобақа жадвалида «Мордовия» клуби 83 очко билан пешқадам бўлиб турибди. Кейинги ўринлардаги «Нижний Новгород» ва «Алания» клублари ҳисобида 80 очкодан бор.

Навбатдаги тур учрашувлари 8 апрель куни бўлиб ўтади. «Алания» Брянскда «Динамо» меҳмони бўлса, «Сибирь» Москвада «Торпедо»га қарши майдонга тушади.

Россия 1-дивизиони
«А» гуруҳи, 5-тур
ТОРПЕДО – ШИННИК 1:1 (0:1)
Голлар: Саталкин (70) — Низамутдинов (29).
Четлатиш: Безлихотнов (83, «Торпедо»).

СИБИРЬ – УРАЛ 0:1 (0:0)
Гол: Новиков (83).
СИБИРЬ: Циган, Климов, Валентич, Бухряков, Шпичич, Галиулин (Житнев, 72), Сабитов, Скороходов (Дегтярев, 81), Бкрляча (Чижек, 84), Астафьев, Акимов.

НИЖНИЙ НОВГОРОД – ДИНАМО Бр 3:1 (1:0)
Голлар: Салугин (20), Дворнекович (67), Квасов (90) — Заболотний (53).
Четлатиш: Заболотний (64, «Динамо»).

АЛАНИЯ – МОРДОВИЯ 2:4 (0:2)
Голлар: Бакаев (66), Булгару (77) — Мухаметшин (27, 43, 90), Кулешов (86).
АЛАНИЯ: Гиголаев, Царикаев, Григорьев, Плиев, Грачев (Дудиев, 39), Булгару, Д.Базаев (Прискин, 46), Турсунов (Гиголаев, 46), Бакаев, Хубулов, Бураев (Гетериев, 79).