"Лестер" устози Бренден Рожерс "Брайтон"га қарши баҳсда тактик хатога йўл қўйганини тан олди. "Тулкилар" АПЛда сўнгги турни Грахам Поттернинг "чағалайлар"ига қарши ўтказган эди.
Ҳисоб 1-1 билан якун топган. Патсон Даканинг иккинчи бўлиб аввалида урган голига Данни Уелбек сўнгги дақиқалардаги бош билан киритган гол билан жавоб қайтарган.
Бренден Рожерс ўша ўйинда тўртта ҳимоячини ўйин охирроғида учталикка алмаштиргани жамоасига қимматга тушганини тан олди.
Эслатиб ўтамиз, "Лестер" бундан олдинги турда "Тоттенхэм"га қарши баҳсда ҳам сўнгги дақиқада иккита гол ўтказиб, ғалабани бой берган эди.
