Ҳимоячи Андреас Кристенсен ҳалигача «Челси» билан янги шартнома борасида келишувга эриша олмади.
Bild нашрининг тарқатган маълумотига кўра, даниялик ҳимоячи янги шартномага кўра, "кўклардан" йилига тахминан 12 миллион фунт (тахминан 14,4 миллион евро) маош талаб қилди.
Кристенсеннинг "Челси" билан амалдаги шартномаси шу йилнинг ёзигача амал қилади. Унга "Барселона" ва Бавария" клублари қизиқиш билдиришмоқда.
Андреас «Челси»да 2012 йилдан буён тўп суради. 2015 йилдан 2017 йилгача у Менхенгладбахнинг «Боруссия» клубида ижара асосида ўйнаган.
Кристенсен жорий мавсумда «Челси» сафида барча турнирларда 21 та ўйинда майдонга тушиб, 2 та гол урди ва 1 та голли узатмани амалга оширди.