Off The Pitch сайти 2015 йилдан бери "шаҳарликлар" ҳомийси бўлган ва клубнинг «хавфсиз тўловлар бўйича расмий ҳамкори» бўлган Wega компаниясини текширди.

Маълум бўлишича, айни дамда Wega мижозларга бирорта ҳам хизмат таклиф қилмаяпти, LinkedIn ёки бошқа сайтларда компаниянинг бирорта ходимини топишнинг имкони йўқ. Компания Швейцарияда рўйхатдан ўтган ва унинг алоқа телефон рақами сифатида Манчестердаги мавжуд бўлмаган рақами берилган.

Бундан ташқари, Wega 2022 йилги Жаҳон чемпионати билан параллел равишда ўтказиш учун Қатарда 15 миллион долларлик «Киберспорт бўйича Жаҳон кубоги» марказини ишга туширди. Бироқ турнир тафсилотлари эълон қилинмаган, ЖЧ-2022 расмий вакиллари эса киберспорт турнири ҳақида ҳеч нарса билишмайди.

«Манчестер Сити» Wega ҳақида изоҳ беришдан бош тортди.

Текширув «Манчестер Сити» 2020/21 молиявий йил ҳисоботини эълон қилган пайтга тўғри келди, унда «шаҳарликлар»нинг даромади 569,8 миллион фунт стерлингни ташкил этган, шундан 271 фунт стерлинг тижорат даромади сифатида қайд этилган.

2020 йилда «Манчестер Сити» ҳомийлик қиймати бўйича УЕФА билан ҳамкорлик қилишдан бош тортгани учун 10 миллион евро жаримага тортилди.