ПСЖ ҳалигача "Барселона" ҳужумчиси Усмон Дембеленинг трансфери борасида келишувга эришгани йўқ. Бу ҳақда журналист Фабрицио Романо хабар берди.
Олдинроқ клублар ҳужумчининг трансфери борасида музокараларни бошлагани, аммо муваффақиятга эриша олмагани маълум бўлганди. Қайд етилишича, яқин орада "Барса" ва ПСЖ яна бир музокара олиб бориши керак.
Ҳужумчи "Барселона" билан ёзда тугайдиган шартномани янгилашдан бош тортди, чунки клуб таклиф қилган шартлар уни қониқтирмади. Каталонияликлар бош мураббийи Хави ё Дембеле билан шартномани узайтиришини, ёки уни сотиш кераклигини айтди.
24 ёшли футболчи жорий мавсумда Ла Лигада 6 та ўйинда майдонга тушди ва 2 та голли узатмани амалга оширди. Трансфермаркт футболчини 30 миллион еврога баҳоламоқда.
