"Ювентус" ярим ҳимоячиси Аарон Рэмзи яқин соатларда Шотландиянинг "Рейнжерс" клуби аъзосига айланади, дея хабар берди журналист Фабрицио Романо Twitter сахифасида.
Унга кўра, томонлар трансфер шартлари тўлиқ келишиб олди. 31 ёшли ярим ҳимоячи мавсум якунида сотиб олиш шарти билан ижара асосида шотланд клуби сафига бориб қўшилади. Шунингдек, клуб унинг маошининг бир қисмини тўлайди.
Бироз аввал футболчи "Рейнжерс" сафига бориб қўшилишга розилик билдиргани ҳақида хабарлар чиққан эди.