ОФК кубоги гуруҳ босқич 3-туридан ўрин олган "Нефтчи" ва “Ал- Уруба” жамоалари ўртасидаги ўйинолди матбуот анжумани бўлиб ўтди. Фарғона шаҳрида жойлашган “Азиа” меҳмонхонасида бўлиб ўтган матбуот анжуманига меҳмонлар устози Мухтор Али Мухтор ҳамда жамоа сардори Дарвиш Жумалар ташриф буюришди ва журналистлар саволларига жавоб қайтаришди.

— Эртанги ўйин сизлар учун қандай аҳамиятга эга?
— Хабарингиз бор, жамоамиз гуруҳ босқичида уч ўйинда фақатгина 3 очко тўплаган ҳолда учинчи ўринда бормоқда. Шунинг учун ҳам бизга очко сув ва ҳаводек зарур.

— Таркибда йўқотишлар борми?
— Жамоамиз таркибида йўқотишлар ҳам йўқ эмас. Лекин жамоамизда асосий таркиб ўйинчиларига муносиб ўринбосарлар бор.

— Таркибингизда тўрт нафар легионер бор эканлигидан хабардормиз, айтингчи уларни қайсилари эртанги ўйинда қатнашишади?
— Таркибимиздаги легионерларнинг иккитаси эртанги ўйинни захира ўриндиғида кузатишади. Икки нафари эса майдонга тушади. Лекин уларни исми сир бўлиб қолишини истайман.

— Жамоадаги ички муҳит ҳамда эртанги ўйинга тайёргарлик ҳақида қандай фикрдасиз?
Жума Дарвиш: — Жамоадаошларим эртанги ўйинни орзиқиб кутишяпти. Ички муҳит эса аъло даражада.