«Арсенал» ҳужумчиси Пьер-Эмерик Обамеянг «канонирлар» билан шартномасини бекор қилди, деб хабар беради лондонликлар клуби матбуот хизмати ўз расмий сайти орқали.
Манбага кўра, шартнома томонлар келишувига кўра бекор қилинган.
Аввалроқ Обамеянг «Барселона» футболчисига айланиши маълум бўлганди. Қайд этилишича, футболчи аллақачон барча керакли тиббий кўриклардан ўтган.
Эслатиб ўтамиз, 2021 йилнинг 14 декабрь куни ҳужумчи Пьер-Эмерик Обамеянг «Арсенал» сардори мақомидан маҳрум қилинган эди. Клуб жиддий интизомий қоидабузарлик учун габонликни жазолашга қарор қилди.
Обамеянг жорий мавсумда Премьер-лигада 14 та ўйинда майдонга тушиб, 4 та гол урди ва битта голли узатмани амалга оширди.
