Каталониянинг «Барселона» клуби ҳимоячиси Жерар Пикега тегишли бўлган "Андорра" жамоасига қарздорлик туфайли таъқиқ қўйилган.
La Valira тарқатган хабарга қараганда, бу маълумот клубга бугун келиб тушган.
"Андорра"нинг Viatges Espanya SL сайёҳлик компаниясидан 37 587,45 евро қарзи бор. Клубнинг умумий қарзи 200 минг евродан ошади, бироқ, қайд этилишича, бу қарз Пике клуб акциялари назорат пакетини қўлга киритишидан олдин тўпланган.
"Андорра" эмбарго устидан шикоят қилиш имкониятига эга.
Пике клубни сотиб олгач "Андорра" 300 минг евродан иборат иккита қарзни ёпди.