Польша терма жамоаси ва Мюнхеннинг «Бавария» клуби ҳужумчиси Роберт Левандовски Португалия терма жамоаси ва «Манчестер Юнайтед» ҳужумчиси Криштиану Роналду ҳақида ўз фикрлари билан ўртоқлашди.

«Криштиану мендан 3,5 ёш катта, лекин у барибир гол уришда давом этмоқда. У ёзда «Манчестер Юнайтед»га ўтди ва ҳозирда ушбу клуб етакчиси ҳисобланади.

Роналду яхши статистикага, такрорланмас рекордларни ўрнатишга қодир. У энди бир йилда 60 та гол урмаслиги мумкин, аммо 30 ёки 40 та гол уришга кучи етади», — деди польшалик.

5 февраль куни 37 ёшга тўладиган португалиялик футболчи жорий мавсумда «Юнайтед» сафида 24 та ўйинда майдонга тушиб, 14 та гол урди ва 3 та голга ассистентлик қилди.