Миланнинг «Интер» клуби Римнинг «Лацио» клуби марказий ҳимоячиси Луис Фелипени ўз сафига қўшиб олишни истамоқда.
Football-Italia нашри хабарига кўра, 24 ёшли бразилиялик «бургутлар» билан янги шартнома бўйича келишувга эриша олмаган ва мавсум охирида клубни текинга тарк этади. Манбанинг қайд этишича, «нерадзуррилар» аввалроқ Фелипе билан 5 йиллик шартнома имзолаш борасида келишиб олишган. «Интер»да у йилига 2,7 миллион евро маош олади.
Луис 2016 йилдан бери «Лацио» шарафини ҳимоя қилиб келмоқда. Бразилиялик футболчи жорий мавсум А серияда 20 та ўйинда майдонга тушиб, 8 марта огоҳлантириш олган ва бир марта қизил карточка билан жазоланган.
