Milanning «Inter» klubi Rimning «Lasio» klubi markaziy himoyachisi Luis Felipeni o‘z safiga qo‘shib olishni istamoqda.
Football-Italia nashri xabariga ko‘ra, 24 yoshli braziliyalik «burgutlar» bilan yangi shartnoma bo‘yicha kelishuvga erisha olmagan va mavsum oxirida klubni tekinga tark etadi. Manbaning qayd etishicha, «neradzurrilar» avvalroq Felipe bilan 5 yillik shartnoma imzolash borasida kelishib olishgan. «Inter»da u yiliga 2,7 million yevro maosh oladi.
Luis 2016 yildan beri «Lasio» sharafini himoya qilib kelmoqda. Braziliyalik futbolchi joriy mavsum A seriyada 20 ta o‘yinda maydonga tushib, 8 marta ogohlantirish olgan va bir marta qizil kartochka bilan jazolangan.