"Милан" раҳбариларидан бири, клуб вице-президенти Адриано Галлиани Лионель Месси билан бошқа клубга ўтиш ёки ўтмаслиги ҳақида суҳбатлашганини айтиб ўтди.
"Мен Мессини жамоага олиб келиш учун ҳамма нарсамни беришга тайёрман, лекин бу амалга ошмайдиган иш. У "Барселона"нинг рамзи ва унинг бошқа жамоага ўтиши ни тасаввур қилиш қийин", деган Галлиани El Mundo Deportivo нашрига берган интервьюсида.
"Мен Месси билан суҳбатлашдим ва у менга "Барселона"да бахтли эканини айтди. У бошқа клубларнинг қизиқишига ҳурмат билан қарашини, лекин "Барса"да қолмоқчи эканлигини билдирди. Менимча, Месси "Барселона"да фаолиятининг охиригача қолса керак".
Шунингдек, Галлиани Тиаго Сильванинг "Барселона"га ўтиши ҳақидаги хабарлар миш-миш эканлигини таъкидлади ва "Барселона"нинг бошқа футболчилари (Сейду Кейта)нинг "Милан"га кўчиб ўтиш-ўтмаслиги ҳақидаги берилган саволга жавоб бермасликка қарор қилди.
