Мадриднинг «Реал» клуби ҳужумчиси Криштиану Роналдунинг айтишича, унинг жамоаси Чемпионлар лигаси финалидан ўзи учун жойни кафолатлаб қўйгани йўқ. Бу ҳақда «AS» нашри хабар бермоқда.

«Биз бугун олдимизда турган вазифани уддаладик: АПОЭЛни мағлубиятга учратиб, яримфинал йўлланмасини қўлга киритдик. Муваффақиятсизликлар ортда қолди. Умид қиламанки, биз энди бу муваффақиятсизликлар билан бошқа тўқнаш келмаймиз», деди «Реал» ҳужумчиси.

«Энди бизга «Бавария» рақиблик қилади. Бу – кучли жамоа. Шунинг учун ҳам, биз финалдан ўзимиз учун жойни кафолатлаб қўйганмиз, деб айта олмайман. «Бавария» кучли ва у ҳатто Чемпионлар лигасида ғолиб чиқиши ҳам мумкин», дея қўшимча қилди Мадриднинг «Реал» клуби ҳужумчиси Криштиану Роналду.