Ҳужумчи Эдинсон Кавани ёзда МЮни тарк этиши сабаб «қизил иблислар» раҳбарияти унга ўринбосар қидиришни бошлади. Манкунианликлар келаси мавсум бошлангунга янги футболчи ҳарид қилиш борасида бир қарорга келиши керак.
Британиянинг Daily Mirror нашри хабарига кўра, «Реал Сосьедад» ҳужумчиси Александр Исак клубнинг қисқа рўйхатидан жой олган. Қайд этилишича, «Манчестер Юнайтед» шведни футболчиси учун «Арсенал» билан рақобатлашишга тайёр.
Трансфермаркт портали 22 ёшли футболчини 40 миллион еврога баҳоламоқда. Жорий мавсумда у «Реал Сосьедад» сафида барча турнирлар доирасида 26 та ўйинда майдонга тушиб, 8 та гол ва 2 та голли узатмага муаллифлик қилган.
