«Манчестер Сити» жамоасининг янги аъзоси Хулиан Альварес «шаҳарликлар» лагерига ўтиши ҳақидаги фикрлари билан ўртоқлашди.

Эслатиб ўтамиз, «Сити» Альваресни «Ривер Плейт»дан сотиб олган эди. Альварес «Ман Сити»га ўтгунга қадар кейинги олти ойни «Ривер»да ижарада ўтказади.

«Мен жуда хурсандман. Ҳаммаси яхши бўлганидан ва бу харид содир бўлганидан хурсандман. Гвардиола билан гаплашишга улгурдим.

Мен унинг мухлиси эканлигимни яширмайман. У мени илиқ кутиб олди ва «Манчестер Сити»да кўришдан хурсанд бўлишини айтди», — дея Альвареснинг сўзларини келтиради «шаҳарликлар» матбуот хизмати.