«Брентфорд» клуби матбуот хизмати хабар беришича, яримҳимоячи Кристиан Эриксен жамоадаги илк машғулотни ўтказди. Хабарингиз бор, даниялик «асаларилар» билан жорий мавсум охиригача шартнома имзолаган. Шунингдек, бу битим яна бир йилга узайтирилиши мумкин.
Эслатиб ўтамиз, 2021 йилнинг ёзида 12 июнь куни Копенгагенда бўлиб ўтган Евро-2020 мусобақаси доирасидаги Финляндия - Дания (1:0) учрашувида Эриксен ҳушини йўқотиб, майдонга йиқилганди. Ҳодисадан сўнг футболчига юрак стимулятори ўрнатилди.