"Барселона" собиқ футболчиси ва клуб афсонаси Христо Стоичков жамоадаги ҳозирги вазият ва Усмон Дембеле ҳақида ўз фикрларини билдирди.
"Менимча, Хави "Барселона"да муваффақиятга эришади. Унинг яхши футболчилари бор, лекин уларга сабр керак. Ахир Нико, Фати, Педри ва Гавилар ҳали 20 ёшга тўлмаган, шунинг учун уларга сабр керак.
Менимча, "Барса"да ҳаммаси яхши, аммо "Атлетико"ни мағлуб этиш барча муаммолар ҳал бўлганини англатмайди.
Усмон Дембеле? У - ажойиб футболчи, лекин унинг атрофидагилар ундай эмас, улар унга тўғри танлов қилишга ёрдам беришмайди.
Дембеле "Барселона" тарихини билмайди ва "Барселона" либосининг маъносини билмайди", - деди Стоичков.
