"Тоттенҳэм" дарвозабони Бред Фридел фаолиятини яқин орада якунлаш нияти йўқлигини, келгуси мавсумда "Тоттенҳем" билан биргаликда Европа чемпионлар Лигаси баҳсларида иштирок этишни ҳоҳлаётганини таъкидлади.
"Яна қанча вақт футбол ўйнашим мумкин? Бутун жаҳонда бирор мураббий менга ишонч билдирмай қўйган кунгача, — деди май ойида 41 ёшни қаршилайдиган дарвозабон. —
35 ёшга қадам қўйганимда 40 ёшимда ҳам футбол ўйнашим мумкинлигини тасаввур ҳам қилолмасдим. Бунинг ҳеч қандай сири йўқ: яхши овқатланишинг, тартиб-интизомга риоя қилишинг ва қаттиқ меҳнат қилишинг керак холос".
"Мен футбол жиддий қабул қиламан ва ғалаба қозонишимиз учун қўлдан келганча ҳаракат қиламан. Агар мағлуб бўлсак ёки хатоларга йўл қўйсак албатта ҳазм қила олмайман. Лекин, футболдан роҳатланмасанг унга қизиқишнинг кераги йўқ".
Премьер-лигада жамоасини кутиб турган баҳслар ҳақида гапириб, Фридел ҳар бир ўйинда ғалаба қозониш учун майдонга чиқишларини айтиб ўтди: "Агар биз ЕЧЛга йўлланмани қўлга киритолмасак, алам қилиши турган гап. Шунинг учун ҳам, шанба кунги шаҳарликлар билан бўладиган қийин баҳсда ўз ишимизни қилиб ғалаба қозонишимиз ва "Арсенал"нинг таъқиб этишимиз шарт. Бу мақсадни ҳар бир ўйинда амалга ошириш учун ҳаракат қилишимиз лозим".
