"Манчестер Юнайтед" ёзда "Лестер" ярим ҳимоячиси Юри Тилеманс учун курашга қўшилмоқчи. Бу ҳақда Het Nieuwsblad нашрихабар бермоқда.
24 ёшли Тилеманс 2019 йилнинг январида “Монако”дан олти ойлик ижара асосида “Лестер”га ўтган эди. Ўша ёзда инглиз клуби бельгиялик футболчини 45 миллион еврога сотиб олди.
Тилеманс жорий мавсумда барча мусобақаларда 26 та ўйинда 6 та гол ва 3 та голли узатмани амалга оширди. Ярим ҳимоячининг "Лестер" билан шартномаси 2023 йилда тугайди, Трансфермаркт Тилемансни 55 миллион еврога баҳоламоқда.