"Манчестер Юнайтед" дарвозабони Давид Де Хеа ҳужумчи Криштиану Роналду ҳақида ўз фикрлари билан ўртоқлашди. 

"Унинг хонага қандай кириб келишини кўриб туриб, сиз ўзингизни яхши томонларингизни ва МЮ даражасига мос эканлигингизни кўрсатишни хоҳлайсиз. У ўзига жуда ғамхўрлик қилади, қаттиқ машғулот олиб боради ва ўзига нисбатан жуда талабчан. Роналду — ҳақиқий машина. Агар сиз келгуси йиллар давомида энг юқори даражада қолишни истасангиз, ундан кўп нарса ўргансангиз бўлади", - дейди дарвозабон.

31 ёшли Де Хеа 2021/22 йилги мавсумда "Манчестер Юнайтед" сафида барча турнирларда 29 та ўйин ўтказиб, 38 та гол ўтказиб юборган.

37 ёшли Роналду жорий мавсумда инглиз клуби сафида 25 та ўйинда майдонга тушиб, 14 та гол урди ва 3 та голга ассистентлик қилди.