Франциянинг ҳайвонлар ҳуқуқларини ҳимоя қилиш бўйича энг йирик ташкилоти La Fondation 30 Millions d’Amis (“30 миллион дўстлар жамғармаси”) адвокатлари футболчининг мушугини урган видеоси фонида судга мурожаат қилишди.
“Биз бу жирканч ҳаракатни қоралаймиз, футболчини Франция терма жамоасидан четлаштиришни сўрадик ва унга қарши даъво аризаси бердик”, деди ташкилот вакили.
2021 йилда Францияда ҳайвонларни ҳимоя қилиш бўйича янги қонун қабул қилинди. Демак, Зума мушукка нисбатан шафқатсиз муносабатда бўлгани учун 4 йилгача қамоқ жазоси ва тахминан 60 минг евро миқдорида жаримага тортилиши мумкин.
Франция қонунчилигига кўра, мамлакат фуқароси хорижда содир этган жинояти учун жиноий жавобгарликка тортилиши мумкин.
